«ҚазТрансГаз» АҚ мен ЕҚҚДБ көптеген жылдар бойы әріптестік байланыста. ЕҚҚДБ бөлген осы жолғы кредиттің негізгі мақсаты, Қазақстандық газ операторын коронавирус пандемиясы және энергия көздері бағасының құлдырауы салдарынан туындаған экономикалық тұрақсыздық кезеңінде қолдау көрсету.
Бөлінген кредит ҚазТрансГазға айналым капиталын ұлғайтуға және компанияның өтімділігін арттыруға сонымен қатар кредиттік жағдайды едәуір жақсартып, коронавирус салдарынан туындаған экономикалық дағдарыстың кері әсерін бәсеңдетуге көмектеседі.
ЕҚҚДБ тарапынан қаржыландырудың арқасында ҚазТрансГаздың еншілес компанияларына, метанның ауаға таралуын жою, сондай-ақ Қазақстанның жасыл экономика стартегиясын қолдауда көмірсутегінің қарқындылығын төмендету бойынша бағдарламаларды әзірлеу және іске асыру сияқты шаралардың көмегімен экологияға әсерін жақсартуға мүмкіндік береді.
ЕҚҚДБ пакеті 100 млн. еуро мөлшеріндегі айналым капиталына арналған қарыз (ұлттық валютада немесе АҚШ долларымен) және «ҚазТрансГаз» АҚ-ның Қазақстанда газ тасымалдау желісін пайдалануға және техникалық қызмет көрсетуге жауап беретін еншілес компаниясы – «Интергаз Орталық Азия» балансын қайта құрылымдауға 53,7 млрд. теңге (115,3 млн. еуро) мөлшерінде кредиттен тұрады.
12,9 млрд. теңгеге дейін (27,6 млн. еуро) Қазақстанның газдандырылған өңірлеріне табиғи газды жеткізу, тарату және пайдалану саласында балансты қайта құрылымдау үшін беріліп отыр.
Айта кетерлігі, өз клиенттерін қолдау ЕҚҚДБ-ның коронавирус пандемиясына реакциясының бір бөлігі ғана болып табылады. Банктің 2020-2021 жылдар аралығындағы 21 млрд. еуро мөлшеріндегі барлық инвестициялары коронавирус пандемиясының салдарын жою және одан кейінгі қалпына келтіру шараларына бағытталып отыр .
ЕҚҚДБ бүгінгі күнге дейін 273 қазақстандық экономикалық жобаларға 8,63 млрд. еуроға инвестиция салған.
«ҚазТрансГаз» АҚ баспасөз қызметі
байланыс тел: +7 (7172) 55 23 16
