QazaqGaz басқарма төрағасы Санжар Жаркешов Сауд Арабиясына жұмыс сапары аясында SABIC (Saudi Basic Industries Corporation) компаниясының бас директоры Юсеф Аль-Беньянмен кездесті. Тараптар газ химия саласында әлеуетті жобалар бойынша ынтымақтастық орнатуға келісті. Кездесуге Премьер-Министрдің орынбасары - ҚР Сыртқы Істер министрі Мұхтар Тілеуберді де қатысты.
QazaqGaz үшін газ химиясының жаңа жобаларын әзірлеу қазақстандық газ саласын қолдауға мүмкіндік беретін перспективалы бағыт болып табылады.
Анықтама үшін: Saudi Basic Industries Corporation - саудиялық химия компаниясы. SABIC-тің 70%-ы Saudi Aramco-ға тиесілі. SABIC Тадауулда тіркелген Таяу Шығыстағы және Сауд Арабиясындағы екінші ірі қоғамдық компания. 2017 жылы SABIC химия компаниялары арасында Fortune Global 500 рейтингінде әлемде төртінші орынға ие болды. 2021 жылы Brand Finance SABIC-ті әлемдегі химия өнеркәсібіндегі екінші ең құнды бренд деп таныды.
