Тұрақты даму

Жергілікті қоғамдастықтар

Компания қатысатын өңірлердің әлеуметтік-экономикалық жағдайына, халықтың әртүрлі топтарының өмір сүру деңгейі мен сапасына айтарлықтай оң әсер етеді.

Өңірлермен ынтымақтастық

Компания мемлекеттік органдармен ұзақ мерзімді серіктестік қарым-қатынас орнатады.

- Үкіметтің табиғи газды мотор отыны ретінде пайдалануды кеңейту туралы тапсырмасын орындау шеңбернде, «QazaqGaz» ҰК» АҚ мен Алматы қаласы әкімдігі арасындағы меморандумға қол қойды.

Қол қойылған құжатқа сәйкес, ұлттық компания 2023 жылғы 2-тоқсанда үш АГТКС салады және сығымдалған табиғи газды (СТГ) үздіксіз жеткізуді қамтамасыз етеді. Өз тарапынан Алматы әкімдігі автобус паркін 1200 бірлікке дейін кеңейтуді жоспарлап отыр.

- Бұдан басқа, QazaqGaz және Шымкент қаласының әкімдігі Газ және газ моторлы отын саласындағы ынтымақтастық туралы меморандумға қол қойды.

Қол қойылған құжат тараптарға жаңа жобаларды іске асыру бөлігінде тиімді ынтымақтасуға мүмкіндік береді. Олардың қатарында автомобильдік газ толтыру компрессорлық станцияларын (АГТКС) салу және пайдалануға беру, қалалық газ тарату жүйесінің өткізу қабілетін ұлғайту, сондай-ақ газбен үздіксіз жабдықтауды және тұрғындардың қауіпсіздігін қамтамасыз ету.

- 2023 жылғы 17 мамырда Талас ауданының Бөлтір шешен ауылында воркаут пен баскетбол алаңының салтанатты ашылуы өтті.

«QazaqGaz барлау және өндіру» ЖШС бастамасы бойынша әлеуметтік жобаны «Samruk-Kazyna Trust» әлеуметтік жобаларды дамыту қоры қаржыландырды.

Жамбыл облысы ауылдарының әлеуметтік инфрақұрылымын салу және жақсарту бойынша жоба бизнестің әлеуметтік жауапкершілігінің үшжақты серіктестігі (бизнес-әкімдік-ҮЕҰ) шеңберінде жүргізілуде.

«QazaqGaz барлау және өндіру» бас директоры Алмас Қуандықовтың айтуынша, осы сияқты объектілер осы ауданның тағы бірнеше ауылында пайда болады.

«QazaqGaz барлау және өндіру» ЖШС биыл әлеуметтік объектілерді іске қосудан басқа, әлеуметтік осал отбасылардан шыққан студенттерге білім беру гранттарын ұсынуды және дуальды оқытуды ұйымдастыруды жоспарлап отыр.

- «QazaqGaz» ҰК» АҚ «Орал» компрессорлық станциясына Қазақстан Республикасының газ саласының еңбек сіңірген қайраткері Есет Рауатұлы Әзербаевтың есімін берді. ҚР Мұнай-газ кешені қызметкерлерінің күніне арналған салтанатты рәсім 29 тамызда «QazaqGaz» ҰК» АҚ Басқарма Төрағасы Санжар Жаркешовтің, Батыс Қазақстан облысы әкімдігінің өкілдерінің, газ саласы ардагерлерінің және «Интергаз Орталық Азия» АҚ Орал желілік-өндірістік басқарма ұжымының қатысуымен өтті.

- «Амангелді» газ кен орнының 20 жылдық тарихына арналған «Мойынқұм Жер қойнауы» бұрышы өз жұмысын М.Х. Дулати атындағы Тараз өңірлік университетінің қабырғасында бастады. Бұрыш Мойынқұмның жер қойнауын игеру тарихын және оның 1960 жылдардан бастап біздің уақытқа дейінгі дамуын көрсетеді. Келушілер кен орнының тарихы мен даму перспективаларымен таныса алады.

Экспозицияны ұйымдастырушы – «QazaqGaz барлау және өндіру» ЖШС.

- 27 қаңтарда «QazaqGaz» ҰК АҚ сенімгерлік басқаруындағы «GPC Investment» ЖШС Атырау облысының Мақат ауданында қоғамдық тыңдаулар өткізді. Кездесуде Қашағандағы газ өңдеу зауытын салу жобасын түзету шеңберінде, қоршаған ортаға ықтималды әсер етуі талқыланды. Тыңдауға аудан тұрғындары, республикалық қоғамдық экологиялық ұйымдар және жергілікті атқарушы органдардың өкілдері қатысты. Қоғамдық тыңдаулар хаттамасы ecoportal.kz порталында орналастырылатын болады.

Газдандыру

Ел өңірлерін газдандыру - Компания жұмысының ең ауқымды және әлеуметтік маңызды бағыттарының бірі. Оған QazaqGaz компаниялар тобынан басқа Қазақстан Республикасының Мемлекеттік және жергілікті атқарушы органдары да қатысады.

- 2023 жылғы 26 шілдеде «QazaqGaz» ұлттық компаниясының еншілес кәсіпорны «ҚазТрансГаз Аймақ» АҚ Келес ауданының Бәйтерек және Жамбыл-2 елді мекендерін табиғи газға қосты.

Бұл ауылдарды табиғи газбен қамтамасыз ететін газ құбырлары 2021 жылы салына бастады. «Көгілдір отынды» Ғани Мұратбаев атындағы газ тарату станциясынан Бәйтерек, Жамбыл-2 елді мекендеріне жеткізу үшін 25 шақырымнан астам газ құбырлары, 2 газ реттеу пункті (ГРП) салынды, 414 шкафтық ГРП орнатылды. Бүгін өткізілген іс-шараның арқасында 544 тұрғын үйді табиғи газға қосу мүмкіндігі бар.

- «QazaqGaz "ҰК» АҚ еншілес компаниясы – "ҚазТрансГаз Аймақ" АҚ-Түркістан облысы Сауран ауданының Ибата ауылын табиғи газға қосты. Түркістан облысының 8 мыңнан астам тұрғыны газға қол жеткізді. Жоба Мемлекет басшысының Қазақстан өңірлерін газдандыру жөніндегі тапсырмасын орындау шеңберінде іске асырылуда.

- 2023 жылғы сәуірде Маңғыстау облысында ұзындығы 60 км жаңа жоғары қысымды жерасты газ құбыры аяқталып, пайдалануға берілді. Ол Құрық ауылын «Сарша» жерімен және Ақтау маңындағы «Жылы жағажай» курорттық аймағымен байланыстырады. Бұл жоба ел Президентінің тапсырмасына сәйкес орындалды. Жобаны «Самұрық-Қазына» қорының портфельдік компаниялар тобына кіретін «QazaqGaz» ҰК» АҚ еншілес ұйымы «ҚазТрансГаз Аймақ» АҚ жүзеге асырды.

«Сарша» газ құбырының құрылысы QazaqGaz ұлттық компаниясы есебінен қаржыландырылады. Инвестициялар сомасы шамамен 31 млрд теңгені құрайды. Сарша жерін газдандыру аграрлық және туристік өнеркәсіп объектілеріне газдың тұрақты берілуін қамтамасыз етуге мүмкіндік береді. Олардың қатарында Rixos қонақ үйі және Маңғыстау облысында туризмді дамытуға көмектесетін басқа да мекемелер бар. Бұл өңірдің әлеуметтік-экономикалық дамуы үшін өте маңызды қадам», - деді QazaqGaz Басқарма Төрағасы Санжар Жаркешов.

Жаңа газ құбырына жұмыс істеп тұрған бес демалыс базасы, сондай-ақ салынуы жоспарланған болашақ қонақ үйлер мен ойын-сауық орталықтары қосылады. Бір «Жылы жағажай» курорттық аймағы сағатына шамамен 20 мың м3 газ тұтынады.

Суды тұщыту

Газдандыру өңірдегі су тапшылығы мәселесін шешуге мүмкіндік береді. Газдың жаңа көлемін негізгі тұтынушылардың бірі салынуы жоспарланған газбен жұмыс істейтін тұщыландыру зауыты болуы тиіс.

Зауыт сағатына 21 мың текше метрге дейін газ тұтынатын болады. Бұл қажеттіліктер қазірдің өзінде газ құбырының өткізу қабілеттілігіне енгізілген. Бұл кәсіпорындағы газға қажеттілік «Жылы жағажай» курорттық аймағының барлық қонақ үйлері мен сауда орталықтарынан көп болады. Тұщыту зауытының қуаты сағатына 50 текше метрге дейін жетеді. Бұл дегеніміз, жергілікті тұрғындар күн сайын қосымша 1,2 миллион литр ауыз су алады.

Ауыл шаруашылығы

Газдандыру сонымен қатар өңірегі ауыл шаруашылығының дамуына серпін береді. Қатты шөлді жағдайларға байланысты, Маңғыстау облысында ауыл шаруашылығы алқаптары іс жүзінде жоқ. Ауыл шаруашылығы өнімдері, жұмыс істеуі үшін отын қажет ететін жылыжайларда өндіріледі. Ауыл шаруашылығы өндірушілерінің газға деген қажеттілігін жаңа газ құбыры шешуі тиіс. Қарақия және Мұнайлы аудандарының шаруа қожалықтары да, жылыжайлары да сағатына қосымша 36,5 мың текше метр газ алады.

Жалпы алғанда, жаңа газ құбыры өңірдің экономикалық дамуына, туристік әлеуетті дамытуға, шағын және орта бизнестің өсуін ынталандыруға серпін береді.

Газға қолжетімділікті жеңілдету бастамалары

Тұтынушылардың өтініштерін жылдам әрі тиімді өңдеу үшін 5169 нөмірі бар бірыңғай байланыс орталығы құрылды.

2022 жылдан бастап «ҚазТрансГаз Аймақ» АҚ газдандыруға техникалық шарттарды (ТҚ) қамтамасыз ету процестерін айтарлықтай жетілдіру мен автоматтандыруды жүзеге асырды. Техникалық шарттарды алу тұрғын үйлерді газдандырудың бірінші интегралды қадамы болып табылады.

Қазіргі уақытта азаматтардың «ҚазТрансГаз Аймақ» АҚ ресми сайтында «Тұтынушының жеке кабинеті» арқылы онлайн режимінде өтінім беру және Техникалық шарттарды алу мүмкіндігі бар. Астана қаласының тұрғындары да осы қызметті алу үшін Халыққа қызмет көрсету орталықтарына (ХҚО) жүгіне алады. Техникалық шарттарды беруге өтінім беру процесі жақын арада EGOV интернет-порталымен біріктіріледі.

Мердігер компанияларды іздеуде тұтынушыларға ыңғайлы болу үшін «ҚазТрансГаз Аймақ» АҚ «Marketplace» (www.market.ktga.kz) онлайн-порталын әзірлеп, іске қосты. Бұл порталда тұрғын үйлерді газдандыру бойынша құрылыс-монтаж жұмыстарына маманданған лицензиясы бар ұйымдар туралы ақпарат берілген. Мұнда тұтынушылар бір уақытта бірнеше компаниядан баға ұсыныстарын сұрай алады және ішкі газ жабдықтарын сату туралы хабарландыруларды таба алады.

Тұрғын үйлерді газдандыру бойынша жобалау, құрылыс-монтаждау жұмыстары саласындағы қызметтер нарығында баға белгілеуді жеке компаниялар дербес белгілейтінін атап өту маңызды.

Халықтың әлеуметтік осал топтарын қолдау

•2022 жылғы 1 сәуірде Жамбыл және Батыс Қазақстан облыстарында пилоттық жоба іске қосылды, онда ХӘОТ үшін тауарлық газдың бөлшек сауда бағасы 20%-ға төмендетілді. 2022 жылғы 1 шілдеден бастап бүкіл республика бойынша тауарлық газдың бөлшек сауда бағасы 20%-ға төмендеді;

•«QazaqGaz» ҰК» АҚ Satbayev University-дегі Қ. Тұрысов атындағы Геология және мұнай және газ институтының, сондай-ақ ҚБТУ энергетика және мұнай-газ саласы факультетінің студенттеріне атаулы стипендия тағайындады. 110-нан астам адам қатысқан конкурс жарияланды. Конкурс нәтижелерінен басқа, білім алушының орташа балы және қоғамдық және ғылыми қызметке қатысуы ескерілді. Әлеуметтік осал санаттағы студенттерге ерекше назар аударылды. Іріктеу конкурсының және өткізілген сұхбаттың нәтижелері бойынша комиссия 12 студентті таңдады;

•Жаңа жыл қарсаңында аз қамтылған отбасылардан шыққан балаларға, сондай-ақ ерекше балаларға арналған «Тілектер шыршасы» акциясы өткізілді;

•Жұмыскерлердің өз қаражаты есебінен «Жанұя» жетім балаларға арналған мамандандырылған кешеннің кіші тобына бару ұйымдастырылды.

«QazaqGaz» ҰК» АҚ-ның жергілікті қоғамдастықтармен өзара іс-қимылы жөніндегі саясаты